Halldór B. Halldórsson fór á stjá með myndavélina og skoðaði framkvæmdir á nokkrum stöðum í Vestmannaeyjum. Í nýju myndbandi hans er meðal annars litið við í Miðgerði og við FES, auk þess sem Herjólfur sést sigla inn til hafnar.

Í Miðgerði standa yfir jarðvegsframkvæmdir vegna fyrirhugaðrar íbúðauppbyggingar. Samkvæmt upplýsingum Vestmannaeyjabæjar er gert ráð fyrir sex einbýlishúsum og tveimur parhúsum við Miðgerði 1–11. Á aðliggjandi lóðum við Helgafellsbraut 22–26 er jafnframt gert ráð fyrir raðhúsi með þremur íbúðum.

Halldór beinir einnig myndavélinni að framkvæmdum við FES og fangar komu Herjólfs þegar ferjan siglir um innsiglinguna.

Myndbandið má sjá hér að neðan.