Ungi maðurinn sem hafð verið þarna á ferð á reiðhjóli stóðst ekki mátið og skellti reiðhjólinu á pallinn og ók af stað. Hann ók að Litlu- kaffistofunni og þaðan austur að Hellu til baka upp Land að Leirubakka og síðan áleiðis að Selfossi þar sem hann yfirgaf bifreiðina á Gaulverjabæjarvegi.

Maðurinn var handtekinn skömmu eftir að hann yfirgaf bifreiðina. Hann viðurkenndi stuldinn á bifreiðinni. Undanfarið hefur verið talsvert um bílþjófnaði þar sem ökutæki hafa verið ólæst og lyklar í kveikjulás eða í hanskahólfi.

�?að er því full ástæða til að biðja fólk um að læsa ökutækjum sínum þegar þau eru yfirgefin. Oft má sjá bifreiðar mannlausar og í gangi fyrir utan verslanir og jafnvel í húsagötum. Slíkt er óforsvaranlegt og að auki óheimilt samanber 27. gr. umferðarlaga.