Þann 23.maí tók Ísfélagið við uppsjávarskipinu Pathway frá Skotlandi sem hefur fengið nafnið Heimaey. Skipið var smíðað af Karstensens skipasmíðastöðinni í Skagen í Danmörku 2017. Skipið er 78,65m langt , 15,5m breitt og aðalvélin er 5.220 kW frá Wartsila sem er einungis keyrð um 14.000 klst. Burðargeta er um 2500 tonn. Allur búnaður skipsins til veiða og meðfeðar á afla er mjög öflugur.

Ýmsar upplýsingar

Er með kerfi sem gerir kleift að nota ljósavélina til að keyra skrúfu skipsins þó aðalvél sé ekki í gangi. Með því næst að keyra skipið á 11 mílna hraða með 1500 kW afli.

Skrúfa skipsins er 4,2 metrar í þvermál og snúningshraðinn 125 og 90 snúningar á mínútu.

Hliðarskrúfur eru 950kW að aftan og 900 kW að framan.

Ásrafall er 2500 kW og þrjár ljósavélar 550 kW auk landvélar 150 kW.

Birgðatankar fyrir olíu taka 544.000 lítra.

Íbúðir fyrir áhöfn eru fyrir 19 manns + sjúkrakefi. Allir klefar með klóseti og sturtu.

Kælikerfi fyrir rsw kerfi er 2 x 1.035 kW.

Heimaey er væntanleg til heimahafnar í Vestmannaeyjum kl. sjö í fyrramálið.