Heimaeyjargosið í nýrri glæpasögu Margrétar S. Höskuldsdóttur
Ljósmynd: Hulda Margrét. http://huldamargret.is s. 8970250
Margrét S. Höskuldsdóttir kynnir nýjustu glæpasögu sína í Sagnheimum í Safnahúsinu laugardaginn 31. október klukkan 14.00. Ljósmynd: Hulda Margrét.
Omar Betri
Ómar
Garðarsson

Margrét S. Höskuldsdóttir les úr nýrri glæpasögu sinni, Eldur í öskunni leynist, á Safnahelgi í Vestmannaeyjum. Örlög þriggja systkina sem yfirgefa Heimaey í gosinu 1973 fléttast saman við dularfullt sakamál á Vestfjörðum.

Rithöfundurinn Margrét S. Höskuldsdóttir verður meðal fjögurra höfunda sem kynna nýjustu verk sín og lesa úr bókum sínum í Sagnheimum í Safnahúsinu laugardaginn 31. október klukkan 14.00. Bókakynningin er hluti af dagskrá Safnahelgar í Vestmannaeyjum. Margrét kynnir þar nýjustu glæpasögu sína, Eldur í öskunni leynist, sem kom út 20. október síðastliðinn.

Bókin hefur sérstaka tengingu við Vestmannaeyjar því upphaf sögunnar gerist í Heimaeyjargosinu árið 1973. Þrjú systkini frá Eyjum eru send í fóstur á Vestfjörðum meðan á gosinu stendur. Fimmtíu árum síðar snýr eitt þeirra aftur vestur. Um svipað leyti finnast mannabein á Dynjandisheiði og rannsókn málsins leiðir lögregluna á slóð gamalla leyndarmála.

Lögreglumaðurinn Bergur fær málið til rannsóknar og nýtur aðstoðar Rögnu á bak við tjöldin. Eldri kynslóð lögreglumanna á Ísafirði virðist hins vegar treg til að rannsaka málið af fullum þunga.

Eldur í öskunni leynist er fjórða skáldsaga Margrétar og sú þriðja um lögregluteymið Rögnu og Berg.

Verðlaunaður glæpasagnahöfundur

Margrét fæddist árið 1972 á Þingeyri í Dýrafirði en flutti til Reykjavíkur á unglingsárum. Hún er menntaður grunnskólakennari frá Kennaraháskóla Íslands og með meistaragráðu í listfræði frá Háskólanum í Edinborg. Hún hefur lengst af starfað við kennslu.

Fyrsta skáldsaga hennar, Dalurinn, kom út árið 2022. Árið 2024 fylgdi Í djúpinu og árið 2025 kom út Lokar augum blám, sem hlaut Blóðdropann, íslensku glæpasagnaverðlaunin, fyrir það ár.

Vestfirðir skipa stóran sess í skáldsögum Margrétar. Í nýjustu bókinni tengir hún saman tvo ólíka landshluta, Vestmannaeyjar og Vestfirði, með örlagaríkum atburðum sem eiga rætur í einu mesta áfalli Íslandssögunnar, Heimaeyjargosinu 1973. 

Gestir Safnahelgar fá að kynnast sögunni við upplesturinn í Sagnheimum í Safnahúsinu laugardaginn 31. október klukkan 14.00.

 


Dagskrá Safnahelgar:

Fjölbreytt fjögurra daga menningarveisla

Safnahelgin í Vestmannaeyjum verður haldin dagana 29. október til 1. nóvember með fjölbreyttri dagskrá fyrir alla aldurshópa. Meðal viðburða eru tónleikar í sundlauginni, bókakynningar, myndlistarsýningar, hrekkjavökufjör og ljósmyndasýningar. Sérstök athygli verður vakin á því að á næsta ári verða 400 ár liðin frá Tyrkjaráninu. Safnahelgin hefur um árabil verið fastur liður í menningarlífi Vestmannaeyja og […]

Nýjustu fréttir

Er samveran komin á verkefnalistann fyrir jólin?
Fórnarlamba umferðarslysa minnst í Eyjum – myndir
Vara við áhrifum útflutningstakmarkana á kjör sjómanna
Vikan í Eyjum: Hundrað ára afmæli, salernin á Vigtartorgi og stig gegn toppliðinu
Elmar markahæstur í sigri Nordhorn-Lingen
Sigurganga Erlings heldur áfram í þýsku B-deildinni
Fæst nóg stórgrýti í brimvarnargarðinn við Eiðið?
Rúmlega 40 milljóna salernisframkvæmd hélt áfram án byggingarleyfis
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.