Herjólfur siglir á ný til Landeyjahafnar í dag eftir að hafa siglt til Þorlákshafnar undanfarna daga. Fyrirhuguð er ein ferð fyrir hádegi en tilkynnt verður um framhald siglinga klukkan 11:00.

Brottför frá Vestmannaeyjum er klukkan 07:00 og frá Landeyjahöfn klukkan 10:45.

Í tilkynningu frá Herjólfi eru farþegar minntir á að á þessum árstíma geti þurft að færa siglingar milli hafna. Því sé ekki æskilegt að skilja farartæki eftir í annarri hvorri höfninni.