Herjólfur ohf. hefur birt jákvæðar fréttir fyrir farþega og tilkynnt að frá og með mánudeginum 18. maí verði stefnt að siglingum samkvæmt hefðbundinni sjö ferða áætlun til Landeyjahafnar – þar til annað verður tilkynnt.

Samkvæmt tilkynningunni verður brottför frá Vestmannaeyjum klukkan 07:00, 09:30, 12:00, 14:30, 17:00, 19:30 og 22:00. Frá Landeyjahöfn verða brottfarir klukkan 08:15, 10:45, 13:15, 15:45, 18:15, 20:45 og 23:15.

Um er að ræða hefðbundna áætlun Herjólfs með sjö ferðum á dag, sem hefur ekki verið hægt að halda úti að undanförnu vegna aðstæðna í Landeyjahöfn og annarra rekstraráskorana. Í tilkynningu félagsins kemur fram að þessi áætlun gildi þar til annað verður tilkynnt.