Heilbrigðisstofnun Suðurlands í Vestmannaeyjum verður með öflugan viðbúnað allan sólarhringinn yfir Þjóðhátíðarhelgina.

Bráðamóttaka heilsugæslunnar verður opin allan sólarhringinn og verður starfsfólk HSU vel merkt. Þá verða sjúkraflutningar með aukinn viðbúnað vegna hátíðarinnar.

Hjúkrunarfræðingar verða jafnframt með viðveru í sjúkraskýlinu í Herjólfsdal frá klukkan 20 á kvöldin til klukkan 8 að morgni.

„Njótið Þjóðhátíðarinnar, passið vel upp á ykkur og hvert annað – við sjáum um hitt,“ segir í tilkynningu HSU.