ÍBV B tók á móti Herði í 32-liða úrslitum Powerade bikars karla í Vestmannaeyjum í dag. ÍBV hafði þar betur, 32–28, og tryggði sér sæti í 16-liða úrslitum bikarsins.

Harðarmenn höfðu yfirhöndina framan af leiknum og voru tveimur mörkum yfir, 5–7, eftir tíu mínútna leik. Eftir það sneru ÍBV menn leiknum sér í hag og náðu þriggja marka forystu þegar fimm mínútur voru eftir af fyrri hálfleik. ÍBV leiddi með tveimur mörkum, 17–15, þegar flautað var til hálfleiks.

ÍBV hélt sama dampi í síðari hálfleik og var með tveggja marka forystu, 23–21, þegar stundarfjórðungur var til leiksloka. Eyjamenn náðu síðan fimm marka forystu þegar skammt var eftir og héldu forskoti sínu út leikinn. Þeir fögnuðu að lokum nokkuð öruggum fjögurra marka sigri, 32-28. 

Óliver Daðason var markahæstur í liði ÍBV B með tíu mörk.

Mörk ÍBV: Óliver Daðason 10 mörk, Theodór Sigurbjörnsson 8, Ágúst Emil Grétarsson 5, Garðar Benedikt Sigurjónsson 4, Nökkvi Snær Óðinsson 4, Ólafur Már Haraldsson 1.