ÍBV hefur í dag keppni í Bestu deild karla þegar liðið tekur á móti FH á Hásteinsvelli. Leikurinn hefst klukkan 13:00.

Upphitun hefst klukkan 12:00 þar sem stuðningsmenn geta komið sér í gírinn fyrir leikinn. Þá verða grillaðir borgarar til sölu á svæðinu og því tilvalið að mæta snemma, njóta stemningarinnar og styðja við bakið á liðinu.

Mikil eftirvænting ríkir fyrir leiknum enda fyrsta alvöru prófraunin í deildinni í sumar. Hásteinsvöllur hefur jafnan reynst ÍBV sterkur og verður spennandi að sjá hvernig liðið mætir til leiks gegn FH, sem einnig ætlar sér stóra hluti í sumar.

Um er að ræða einn af fimm leikjum dagsins í fyrstu umferð Bestu deildarinnar. Síðar í dag fara fram eftirfarandi leikir:

• KA – Stjarnan (Greifavöllurinn, kl. 17:00)
• KR – Keflavík (Meistaravellir, kl. 17:00)
• Valur – Þór (N1-völlurinn Hlíðarenda, kl. 17:00)
• Fram – ÍA (Lambhagavöllurinn, kl. 19:30)