Íris um samgöngumálin
Íris bæjarstjóri fer yfir stöðuna.

Aðsend grein

Íris Róbertsdóttir

Þessi tími – þegar samgöngurnar okkar í Landeyjahöfn eru í lamasessi – reynir þvílíkt á þolrifin og erum við öll sem hér búum löngu búin að “missa kúlið”. Sama ástandið er uppi á hverju ári af einfaldri ástæðu: höfnin er ekki tilbúin. Þetta er reyndar óvenju slæmt núna því höfnin hefur ekki opnað svona seint frá 2019 þegar nýi Herjólfur hóf siglingar.

Þetta þýðir stórlega skertar sjósamgöngur. Í stað 7 ferða eru 2 ferðir á dag, stöðugir biðlistar fyrir bíla og í svefnrými og mjög löng sigling. Ríkstjórn og þingmenn hafa, og hafa haft, valdið og bera ábyrgðina á að gera nauðsynlegar breytingar. Og þeim sem eiga að tryggja okkar samgöngur er fullljóst hvernig staðan er.

Ýmislegt hefur áunnist undanfarin ár þótt við munum alls ekki eftir því þegar staðan er eins og hún er núna. Margir hafa farið yfir það síðustu daga á samfélagsmiðlum hvernig þetta er að hafa áhrif á daglegt líf og þá þjónustu sem við þurfum að sækja annað. Þetta hefur einnig mikil áhrif á allt atvinnulíf og fyrirsjáanleikinn er enginn. Mér finnst löngu kominn tími á að ráðherrar og þingmenn stígi inn í þetta ástand af alvöru og vinni að því að tryggja okkur samgöngur sem virka allt árið. Það er löngu komið nóg af þessu ástandi. Það þarf að gera meira en að tala því að lífsgæði hjá heilu samfélagi eru undir.

Tillögur um breytingar á Landeyjahöfn eiga að liggja fyrir innan fárra vikna og þá reynir á vilja ríkistjórnar og Alþingis til framkvæmda.

Þegar þetta er skrifað er ég enn að bíða eftir svari frá innviðaráðuneytinu við því hvort að flugið verði framlengt, sem ætti auðvitað að vera sjálfsagt mál miðað við stöðuna.

Vestmannaeyjar eru dásamlegur staður en við Eyjamenn viljum og gerum kröfur um eðlilegar samgöngur eins og aðrir landsmenn.

Nýjustu fréttir

Íþróttir
Allison Clark tryggði ÍBV jafntefli með marki í blálokin
Herjólfur
Staða mála hjá Herjólfi
Íþróttir
Embla Harðardóttir sleit krossband gegn FH
Fréttir
Rannsóknarhola Eyjaganga komin á beinu brautina á ný
Samgöngur
Herjólfur með sjö ferðir til Landeyjahafnar í dag
Íþróttir
Geta Eyjastúlkur haldið pressunni á Breiðablik?
Íþróttir
Díana Dögg og Andrea spila oddaleik um þýska meistaratitilinn
Samgöngur
Herjólfur til Þorlákshafnar
Mest lesið
viðburðir
Sa Portret 02022026 1
27. maí 2026
08:30
Hringferð SA í Akóges-salnum

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.