Einn þeirra ellefu miða sem hlutu 2. vinning í Jóker í kvöld var keyptur á Bensínsölunni Kletti í Vestmannaeyjum. Hver vinningshafi fær 125 þúsund krónur í sinn hlut. Enginn var með allar Jókertölurnar réttar.

Einn miðaeigandi var hins vegar með 1. vinning í Lottó og fær rúmar 129 milljónir króna. Vinningsmiðinn var keyptur í Fjarðarkaupum í Hafnarfirði.

Þrír skiptu með sér bónusvinningnum og fær hver þeirra 400 þúsund krónur. Tveir miðanna voru keyptir í Lottó-appinu og einn á N1 Háholti.

Af miðunum ellefu sem hlutu 2. vinning í Jóker voru sex keyptir í Lottó-appinu, tveir í áskrift, einn á lotto.is, einn á Vídeómarkaðinum í Hamraborg og einn á Bensínsölunni Kletti í Vestmannaeyjum.

Vinningstölur kvöldsins í Lottó voru 13, 25, 29, 33 og 38 og bónustalan var 9. Jókertölurnar voru 8–7–2–8–4.