- Eyjafréttir
- ·
- Fréttir
- ·
Keppendur Orkumótsins mæta í fyrramálið
Á morgun (miðvikudag) munu keppendur Orkumótsins byrja að streyma til Eyja. Gert er ráð fyrir töluverðri aukningu á umferð til og frá keppnissvæðunum næstu daga. Lögreglan í Vestmannaeyjum sendi tilkynningu frá sér í dag vegna þess efnis þar sem hún hvetur vegfarendur að aka varlega og sýna þolinmæði þar sem umferðin verður þyngri en venjulega, sérstaklega í nágrenni knattspyrnuvellanna. Hér má sjá tilkynninguna í heild sinni:
,,Í fyrramálið munu keppendur á Orkumótinu í knattspyrnu byrja að tínast til Eyja. Eins og venja er eykst umferðin á sama tíma og viljum við hvetja ökumenn til þess að aka varlega. Minnum á að bannað er að stöðva og leggja ökutækjum á Hamarsveginum (þar sem flestir knattspyrnuvellirnir eru). Lögregla mun halda úti öflugu umferðareftirlit þessa helgi og viljum við bjóða ykkur öll velkomin á Orkumótið.”
Nýjustu fréttir
Mest lesið
