Það var líf og fjör víða um bæ í dag samhliða bæjarstjórnarkosningunum í Vestmannaeyjum. Eftir að kjósendur höfðu greitt atkvæði sitt lögðu margir leið sína í hið sígilda kosningakaffi framboðanna þar sem boðið var upp á veitingar og spjall.

Óskar Pétur Friðriksson, ljósmyndari Eyjafrétta, kíkti við hjá öllum þremur framboðum bæjarins og tók púlsinn á stemningunni.

Eyjalistinn tók á móti gestum í Líknarsalnum, Sjálfstæðisflokkurinn var með sitt kosningakaffi í Höllinni og Miðflokkurinn í Alþýðuhúsinu. Þar var fólk á ferðinni, stuðningsmenn ræddu stöðuna og margir nýttu tækifærið til að hitta frambjóðendur og samferðafólk áður en beðið er eftir fyrstu tölum síðar í kvöld.

Hér að neðan má sjá myndir frá heimsókn Óskars Péturs á milli kosningakaffihúsanna.