Herjólfur hefur siglt til �?orlákshafnar undanfarið þar sem dýpi hefur ekki verið nægjanlegt í Landeyjahöfn. Samkvæmt upplýsingum frá Vegagerðinni er beðið eftir tækifæri til að hefja dýpkun en veður hefur verið rysjótt og sjólag erfitt við höfnina.

Síðast var dýpi mælt við Landeyjahöfn 27. desember síðastliðinn. Samkvæmt heimildum Eyjafrétta mældist mesta dýpi á milli hausa hafnargarðanna 3 metrar en minnst 1,9 metrar. �?etta þýðir að höfnin er kolófær fyrir Herjólfs, sem ristir 4,3 metra, og einnig fyrir nýja ferju sem rætt er um að smíða en hún á að rista 2,8 metra. Víkingur ristir 2,6 metra og getur því ekki heldur siglt um höfnina við þessar aðstæður.

Vegagerðin mun mæla dýpið í höfninni þegar aðstæður leyfa en undanfarið hefur hafnsögubáturinn Lóðsinn verið notaður til verksins. Lóðsinn ristir 3,2 metra og rétt komst inn um austanverða innsiglinguna 22. desember síðastliðinn. �?egar átti að sigla skipinu út í siglingamerkjum um miðja innsiglinguna vildi ekki betur til en svo að hafnsögubáturinn strandaði. Skipstjóra tókst þó að losa skipið með því að bakka aftur inn í höfnina. Í framhaldi var siglt sömu leið út um austanverða innsiglinguna þar sem dýpið er mest.