Laxey boðar íbúa Vestmannaeyja og aðra áhugasama til samráðs- og upplýsingafundar næstkomandi þriðjudag. Þar verður meðal annars farið yfir stöðu uppbyggingar fyrirtækisins, umhverfis- og sjálfbærnimál, fiskheilbrigði og áhrif starfseminnar á samfélagið.

Fundurinn verður haldinn í seiðastöð Laxey að Strandvegi 104 þriðjudaginn 21. júlí klukkan 17.00.

Í tilkynningu á vef Laxey kemur fram að íbúum Vestmannaeyja, hagsmunaaðilum, félagasamtökum, opinberum aðilum og öðrum áhugasömum sé boðið til fundarins. Hann sé liður í samráði fyrirtækisins við nærsamfélagið og hagsmunaaðila, í samræmi við kröfur ASC-vottunar.

Á fundinum verður fjallað um:

• starfsemi Laxey og stöðu uppbyggingar,
• umhverfis- og sjálfbærnimál,
• fiskheilbrigði og fiskvelferð,
• meðferð fiska, þar á meðal notkun lyfja og annarra meðferða þegar þeirra er þörf,
• áhrif starfseminnar á samfélagið.

Jafnframt verður skapaður vettvangur fyrir opið samtal þar sem fundargestir geta komið spurningum, ábendingum og athugasemdum á framfæri.

Allir eru velkomnir á fundinn.