Á föstudaginn 23. apríl hófst lestrarsprettur í Hamarsskóla sem stendur til mánudagsins 3. maí.

Á þessu tímabili munu nemendur auka lesturinn heima og hafa fengið lestrarhest með frekari útskýringum á því. Eftir ákveðinn fjölda mínútna sem lesnar eru fær nemandi geimskrímsli til að líma á geimskip árgangsins og auðvitað á að safna sem flestum

Bókasafn Vestmannaeyja getur ekki tekið á móti heilum bekkjum sem stendur en ætlar samt að sjálfsögðu að taka þátt í þessu skemmtilega verkefni. Þar hafa þau skreytt safnið í tengslum við þemað og tekið fram fróðlegt lesefni um himingeiminn og ýmislegt sem þar leynist. Við viljum hvetja foreldra til að fara þangað með börnum sínum til þess að skoða og velja bækur. Vel er gætt að sóttvörnum á bókasafninu og biðlum til ykkar að gera slíkt hið sama

Bókasafnið er opið alla virka daga frá 10-17