Líklega þörf á frekari fornleifarannsóknum

Að beiðni Vestmannaeyjabæjar og að kröfu Minjastofnunar Íslands kannaði Fornleifafræðistofan umfang minja Stóragerðis (Gerðis) á túni á milli gatnanna Litlagerðis og Stóragerðis. Einnig voru minjarnar skráðar í gagnagrunn Fornleifafræðistofunnar.
Rannsóknin fór fram dagana 12.–25. apríl síðastliðinn. Tilefni rannsóknanna var að Vestmannaeyjabær vinnur að deiliskipulagi á svæðinu og því þurfti að kanna umfang minja um Stóra gerði svo hægt væri að taka tillit til þeirra eftir atvikum.

Fram kemur í niðurstöðu skýrslu rannsóknarinnar að markmið rannsóknanna hafi náðst að öllu leiti. Hægt var að afmarka allar minjar. Þær minjar sem teljast hafa minja- og varðveislugildi eru brunnurinn, gamli bærinn (Stóra Gerði) og öskuhaugurinn. Aðrar minjar eru of ungar til að njóta
verndunar laganna eða eru svo nálægt í tíma að minja- og varðveislugildið er mjög lítið.
Þó brunnurinn hafi ekki verið rannsakaður hlýtur hann að vera frá fyrstu tíð búsetu í Stóra Gerði.
Aðeins yngstu skeið gamla bæjarins voru skoðaðar og voru þær illa farnar, sérstaklega það ynsta. Undir þeim má búast við heillegri minjum, en hversu langt aftur í aldir getur aðeins frekari rannsókn leitt í ljós.
Öskuhaugurinn er mjög mikill að umfangi og bendir til þess að búseta hafi verið á staðnum í langan tíma. Hann er mjög einsleitur að innihaldi, en engar greiningar voru gerðar á innihaldi hans aðrar en sjónrænar. Áhugavert er að lítið var af viðarkolum í haugnum, en því meira af brenndum beinum, sóti og ösku.
Það er mat höfundar að ef ekki er hægt að tryggja öryggi yngri minjanna sé engra mótvægisaðgerða þörf. Þær sem þurfa mótvægisaðgerða við sé ekki hægt að tryggja öryggi þeirra eru brunnurinn, gamli bærinn og öskuhaugurinn.

“Beðið er eftir áliti Minjastofnunar Íslands en líklegt er að farið verði fram á nánari fornleifarannsókn á minjum sem eru taldar hafa varðveislugildi. Það fer eftir kostnaði hvort ráðist verður í slíkar rannsóknir,“ sagði Dagný Hauksdóttir skipulags- og umhverfisfulltrúi hjá Vestmannaeyjabæ í samtali við Eyjafréttir.

Nýjustu fréttir

Samgöngur
Ófullnægjandi dýpi í Landeyjahöfn – uppfært
Fréttir
Ekki einhugur um milljóna framlag til ÍBV
Sjávarútvegur
Loðnuvertíðin hafin í Eyjum
Úr blaði Eyjafrétta
Heiðurshjónin Hjalti og Vera Björk Eyjafólk ársins 2025
Íþróttir
Elmar áfram hjá Nordhorn-Lingen
Íþróttir
Róbert hjá ÍBV næstu tvö árin
Fréttir
Framkvæmdir langt komnar í Íþróttamiðstöðinni
Aðsent
Skákþing Vestmannaeyja: Úrslitin ráðast í síðustu umferðunum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.