Eins og Eyjafréttir greindu frá Bæjarráð samþykkti þann 2. apríl sl., beiðni Lista- og menningarfélags Vestmannaeyja um að fá til leigu húsnæði bæjarins að Strandgötu 30 (2. hæð í Miðstöðinni) undir vinnustofur félagsmanna. Hafin var vinna við að koma húsnæðinu í þokkalegt stand fyrir reksturinn, en fljótlega kom í ljós að húsnæðið hentaði ekki starfseminni sem varð til þess að félagið fór að kanna aðstæður annars staðar og sendi svo bænum beiðni um að hætta við frekari undirbúning að leigu í húsnæðinu. Þess í stað hefur félagið óskað eftir aðstöðu á Strandvegi 50 (Hvíta húsinu). Húsnæðið er í sameiginlegri eigu Visku og Vestmannaeyjabæjar. Stjórn Visku hefur samþykkt, fyrir sína hönd, að leigja félaginu aðstöðu í hluta hússins.

„Lagt er til að bæjarráð samþykki ósk Lista- og menningarfélagsins um að hætta frekari undirbúningi að leigu á 2. hæðinni að Strandgötu 30 og samþykki þess í stað að leigja félaginu aðstöðu á efri hæðum Hvíta hússins að Strandvegi 50, í samræmi við ákvörðun Visku, meðeiganda hússins og drög að leigusamningi,“ segir niðurstöðu fundagerðarinnar.