Litla Mónakó: Dýrasta íbúðin í Vestmannaeyjum seld á tæpar 100 milljónir!
eftir Jóhann Halldórsson
Vestmannaeyjar. Mynd/aðsend

Þetta kemur m.a. fram í nýjasta tölublaði Eyjafrétta sem tileinkað er byggingamarkaðnum. Þar er fjallað um hækkandi íbúðaverð í Eyjum þar sem ný met hafa verið slegin.

Það sem mér finnst einnig áhugavert í blaðinu er að þar er fjallað um aukna eftirspurn eftir íbúðum í Áshamri og Foldahrauni, en þar er nú byrjað að auglýsa eftir íbúðum þar sem eftirspurnin er meiri en framboðið. Þetta ætti reyndar ekki að koma á óvart miða við fréttir vikunnar en HMS hélt fund í vikunni. 27% eigna undir 60 milljónum seljast nú á yfirverði!

Þar kom fram að frá okt-des hafi 27% eigna undir 60 milljónir selst á yfirverði og teikn væru á lofti um að eftirspurnin væri að aukast. Í desember birti HMS:

„Að teknu tilliti til verðlagsbreytinga hefur framboð ódýrustu íbúðanna (verðlagðar undir 60 milljónum í dag) á höfuðborgarsvæðinu minnkað frá miðju ári 2020 um helming.”

Í febrúar birtu þeir svo skýrslu. „Útlit fyrir verulega fjölgun í hópi fyrstu kaupanda.” En þetta er einmitt sá hópur þar sem mesta eftirspurnin er eftir ódýrum íbúðum. Það er því ljóst að eftirspurn eftir ódýrari eignum er að aukast á sama tíma og framboðið er að minnka.

Í ljósi sögunnar er líka áhugavert að skoða væntingarvísitölu Gallup. Neytendur bjartsýnir fimmta mánuðinn í röð. En hún hefur nú brotið 100 stiga múrinn 5. mánuðinn í röð en stórkaup landsmanna m.a fasteignakaup hafa oftar en ekki aukist með aukinni bjartsýni.

Hvort það er svo tilviljun eða ekki. Sýnist mér að í öll skiptin sem 100 stiga múrinn í væntingarvísitölunni hefur verið brotinn 3. mánuði í röð eða lengur a.m.k. sl 24 ár hefur fasteignaverð í kjölfarið hækkað verulega. Þetta gerðist síðast 2021 svo 2015, eftir mini bankakreppu 2006 og 2002 við endurskipulagningu á sölu ríkisbankanna og aðraganda 100% lána.

Hvort að sagan endurtaki sig núna er erfitt að segja, en það er a.m.k. erfitt að ætla að veðja á móti því. Það er gott að búa í Vestmannaeyjum. Hvort ánægja og væntingar í Vestmannaeyjum séu yfir meðaltali er ágætt að skoða síðustu könnun Gallup.

Samkvæmt árlegri þjónustukönnun Gallup ríkir almenn ánægja meðal íbúa í Vestmannaeyjum með þjónustu bæjarins og er hann í 1-2. sæti þegar kemur að ánægju með stað til að búa á.

 

Jóhann Halldórsson

Nýjustu fréttir

Mannlíf
Myndir frá sjómannafjöri á bryggjunni
Áhugavert
Skötuveisla sem stendur undir nafni
Íþróttir
Íþróttafélagið Ægir fór í keppnisferð til Danmerkur
Úr blaði Eyjafrétta
Bræðurnir Jón Atli og Árni rifja upp árin á Ísleifi
Fréttir
Léttir hlaut nafn sitt við hátíðlega athöfn – myndir
Mannlíf
Svipmyndir frá sjómannagleði við sjávarsíðuna
Áhugavert
Stjána á Emmunni þakkað fyrir ómetanlegt starf
Mannlíf
Fjörugt föstudagskvöld með SSSól í Eyjum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.