Einn leikur fer fram í 14. umferð Lengjudeildar kvenna í dag, laugardag. Þar mætast liðin sem hafa verið á mesta skriðinu að undanförnu. Ef skoðaðir eru fimm síðustu leikir þessara tveggja liða kemur í ljós að þau eru með fullt hús stiga úr þeim.

Raunar er það svo að FHL hefur haft talsverða yfirburði í deildinni og aðeins tapað einum leik það sem af er móti. Eyjaliðið byrjaði mótið illa, en hefur komið sterkt inn í síðustu leikjum og vermir nú þriðja sætið, en fjögur lið eru jöfn að stigum í öðru til fimmta sæti.

Leikur dagsins fer fram í Fjarðabyggðarhöllinni og hefst hann klukkan 12.30.