Malbikunarframkvæmdir á vegum Vestmannaeyjabæjar og Vestmannaeyjahafnar eru áætlaðar á fimm stöðum í næsta veðurglugga. Meðal verkefna eru Sólhlíð og bílastæði við listaverkið á nýja hrauninu.

Sviðsstjóri fór yfir fyrirhugaðar framkvæmdir á fundi framkvæmda- og hafnarráðs 30. september. Samkvæmt fundargerð er áætlað að malbika á eftirfarandi stöðum:

• Sólhlíð.
• Bílastæði við listaverkið á nýja hrauninu.
• Bílastæði við Kirkjugerði.
• Götu við Gjábakkakant.
• Strandvegi/FES-brekku.

Ekki kemur fram í fundargerðinni hvenær framkvæmdirnar hefjast, en þær eru fyrirhugaðar þegar veður leyfir. Ráðið þakkaði sviðsstjóra fyrir greinargóða yfirferð á málinu.