Malbikunarframkvæmdir í Vestmannaeyjum eru á dagskrá næstu daga. Samkvæmt áætlun sem birt hefur verið á vef Vestmannaeyjabæjar er unnið við Gjábakkabryggju og svæði á Eiðinu í dag, þriðjudaginn 6. október. Á morgun er röðin komin að Sólhlíð og Kirkjuvegi.

Eyjafréttir greindu nýverið frá fyrirhuguðum malbikunarframkvæmdum á vegum bæjarins og hafnarinnar, sem átti að ráðast í þegar veður leyfði. Nú hefur bærinn birt nánari framkvæmdaáætlun. Vélarnar komu til Eyja í gær, mánudaginn 5. október.

Áætlunin er eftirfarandi:

• Þriðjudagur 6. október: Gjábakkabryggja og svæði á Eiðinu.
• Miðvikudagur 7. október: Sólhlíð og Kirkjuvegur.
• Mánudagur 12. október: Bílastæði við goslistaverkið, FES-brekka og fleiri verkefni.
• Þriðjudagur 13. október: Eftirstöðvar og frágangur.

Óskar Pétur Friðriksson hefur myndað undirbúning framkvæmdanna og fylgja myndir hans fréttinni.