Málmsuða i höfn og stefnt næst á vélstjórann

„Ég fór í raunfærnimat fyrir norðan og fékk málmsuðuréttindin þannig. Upphaflega byrjaði ég í vélstjórnarnámi en hafði bara engan áhuga á því þá að sitja á skólabekk. Sé hins vegar núna að gott væri að hafa vélstjórann. Ætli endi ekki með því að ég taki hann líka,“ segir Sigdór Yngvi Kristinsson, starfsmaður Hafnareyrar, nýútskrifaður með sveinspróf í málmsuðu frá Verkmenntaskólanum á Akureyri.

Raunfærnimatið kom honum vel, möguleiki sem býðst reyndum starfsmönnum til að ljúka sveinsprófi í nokkrum iðngreinum, svo sem húsasmíði, málaraiðn, pípulögnum, blikksmíði, rennismíði, stálsmíði, vélvirkjun og framreiðslu. Raunfærnimat er í senn leið til að stytta nám og hvatning til að ljúka því. Skilyrði er að viðkomandi sé orðinn 23 ára og hafi staðfesta starfsreynslu í þrjú ár.

„Ég sótti þriggja daga námskeið fyrir matið í Verkmenntaskólanum á Akureyri, var svo tekinn í munnlegt próf og spurður spjörunum úr. Í verklega prófinu voru sett fyrir mig ferns konar rafsuðuverkefni. Þetta gekk ágætlega allt saman.

Upphaflega byrjaði ég á vélstjórnarbraut Framhaldsskólans í Vestmannaeyjum en hreinlega nennti ekki að vera í skólanum! Það þvældist líka fyrir mér að vera hrikalega lesblindur en að vinna í höndunum er ekkert mál. Ég hætti námi, fór að vinna í Skipalyftunni í Eyjum 2012 og festist í járnsmíðinni þar.

Síðar réði ég mig til Hafnareyrar sem ég hélt að væri frekar lítið fyrirtæki en reyndist vera stórt og með heilmikla starfsemi á mörgum sviðum. Hér er gott að vera en ég neita því ekki að nú verður mér hugsað til þess að fá líka vélstjórnarréttindi.

Í augnablikinu erum við félagarnir að græja vélar í uppsjávarvinnslu Vinnslustöðvarinnar fyrir makrílvertíðina, vélar sem hausa makríl og flaka síld. Það þarf að skipta um legur og keðjur og dytta að hinu og þessu. Menn eru bjartsýnir og vonast eftir góðri makrílvertíð. Veitir ekki af eftir að við misstum af loðnuvertíð annað árið í röð.“

Nýjustu fréttir

Úr blaði Eyjafrétta
Upphitun sem lofar sannkallaðri Þjóðhátíðarveislu 
Sjávarútvegur
Fullfermi á báðum togurum
Samgöngur
Dýpkun tefst í Landeyjahöfn – uppfært
Fréttatilkynning
Framlag í Ferðasjóð íþróttafélaga tvöfaldast
Fréttir
Fullorðinsfimleikar hjá Rán
Íþróttir
Tómas Bent með sigurmark Hearts
Fréttir
Tilboð langt undir áætlun í dýpkun Landeyjahafnar
Vinnslustöðin
Loðnan berst til Eyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.