Margrét Lára Viðarsdóttir mætti í Pennann Eymundsson í Eyjum í dag og áritaði nýju bók sýna sem hún var að gefa út sem kallast ,,Ástríða fyrir leikum.”

Margrét Lára er ein af fremstu íþróttakonum landsins og er fædd og uppalin í Vestmannaeyjum. Hún er markahæsti landsliðsmaður Íslands í knattspyrnu frá upphafi en hún lék sinn fyrsta A-landsleik 16 ára gömul og sinn fyrsta meistaraflokksleik með ÍBV þegar hún var einungis 14 ára. Margrét Lára hélt í atvinnumennsku þar sem hún spilaði í sterkustu deildunum og með einu besta félagsliði heims.

Í bókinni deilir Margrét Lára reynslu sinni úr boltanum, ræðir ferilinn, sigrana og mótlætið. Hún kemur inn á lífið eftir fótboltann ásamt ástríðunni fyrir leiknum.

Margrét Lára, ásamt Bjarna Helgasyni eru höfundar bókarinnar.