„Ég er búinn að vera með puttann á púlsinum í allt sumar til að fylgjast með viðkomu lundans í fjöllunum á Heimaey. Það gladdi mjög í dag að sjá allan fjöldann sem sat austan í Stórhöfða en hann hefur ekki verið mikið fyrir það að sýna sig þar,“ segir Stefán Geir Gunnarsson, ljósmyndari og náttúruunnandi á Facebókarsíðu sinni á dögunum og lætur fylgja með nokkrar myndir af lundum með síli sem veit á gott.

„Vonandi lofar þetta góðu. Hringaði Stórhöfða og það var bullandi sílisburður hjá lundanum á öllum hliðum Höfðans. Vonandi að pysjan braggist á eðlilegan hátt í tíma. Það sat hellingur uppi af lunda.“

Nokkrar í viðbót.