Rauða krossdeildin í Vestmannaeyjum tekur þátt í Skjóli 2026, æfingu Rauða krossins í opnun fjöldahjálparstöðva, laugardaginn 3. október. Af því tilefni verður fjöldahjálparstöð opnuð í Arnardrangi, húsnæði deildarinnar við Hilmisgötu, frá klukkan 11:00 til 13:00.

Í tilkynningu frá deildinni segir að öllum sé boðið að koma og kynna sér hvernig fjöldahjálparstöð er virkjuð þegar neyðarástand, vá eða stórslys verða í heimabyggð. Yfirskrift æfingarinnar er „Fjöldahjálp í rafmagnsleysi“.

Rauða krossdeildin hvetur íbúa til að líta við og kynna sér starfið og vonast til að sjá sem flesta í Arnardrangi á laugardag.