„Nú er búið að finna fyrstu pysjuna þetta árið og er pysjueftirlitið að gera allt klárt. Persónulega á ég von á mörgum pysjum þetta árið. Það er mikið af fugli og sílisfugl hefur verið áberandi. Það gefur okkur vonir um að margar pysjur nái fluginu þetta árið,“ sagði Hörður Baldvinsson, framkvæmdastjóri Þekkingarseturs Vestmannaeyja sem hefur umsjón með pysjueftirlitinu.
„Vegna vísbendinga um fækkun á lundastofninum síðustu ár eru uppi raddir um að minnka eða jafnvel banna alfarið lundaveiði. Þess vegna viljum við hvetja fólk til að taka þátt í og hjálpa pysjueftirlitinu. Það gerum við með því að vigta allar pysjur sem finnast. Setja upplýsingarnar inn á heimasíðuna okkar sem er lundi.is. Svona á að skrá pysju:
- Fara inn á heimasíðuna okkar lundi.is
- Smella á pysjueftirlitið
- Smella á skráningarform
Náttúrustofa Suðurlands verður með merkingar og mælingar í húsnæði Setursins að Ægisgötu 2 eins og venjulega. Eru þær færri eða fleiri, þyngri eða léttari svo eitthvað sé nefnt.
Þær virðast verða fyrr á ferðinni núna en síðustu ár sem er jákvætt. Til að gera þetta skemmtilegra ætlum við að veita verðlaun fyrir flottustu sleppimyndirnar. Dómnefnd mun svo veita þrenn verðlaun og endilega senda myndirnar á netfangið setur@setur.is,“ sagði Hörður að endingu.
