Landhelgisgæsla Íslands hefur fengið samþykki fyrir uppsetningu radarhýsis á Stórhöfða. Framkvæmdin er liður í uppbyggingu og eflingu ratsjárvöktunar á hafsvæðinu við Vestmannaeyjar.

Málið var tekið fyrir á afgreiðslufundi byggingarfulltrúa Vestmannaeyjabæjar. Radarhýsið verður staðsett um 48 metra suðsuðvestur af Stórhöfðavita, á landi í eigu íslenska ríkisins sem er í umsjón Vegagerðarinnar.

Um er að ræða sérhannað hýsi fyrir ratsjár- og fjarskiptabúnað ásamt tilheyrandi tengingum og búnaði.

Fyrir liggur leyfi Vegagerðarinnar fyrir staðsetningu mannvirkisins og jákvæð umsögn Geislavarna ríkisins vegna fyrirhugaðs ratsjárbúnaðar.

Framkvæmdin var tekin fyrir sem tilkynningarskyld mannvirkjagerð, sem er undanþegin byggingarheimild og byggingarleyfi. Erindið var samþykkt.