Safnahelgin var formlega sett í Stafkirkjunni í dag og voru það þau Sr. Guðmundur Örn Jónsson og Kristín Jóhannsdóttir sem sáu um setninguna.

Á setningunni var meðal annars fjallað um Tyrkjaránið og minningum því tengt. Leikkonan Elva Ósk sagði frá nýjum einleik sínum um Tyrkjaránið sem frumfluttur verður á næsta ári og söngvarinn Hafsteinn Þórólfsson gaf tóninn fyrir tónleika sína sem fram fara í Eldheimum á morgun, föstudag.

Safnahelgin stendur fram á sunnudag og verður boðið upp á fjölbreytta menningarviðburði fyrir alla aldurshópa.

Dagskránna má finna hér

Óskar Pétur Friðriksson tók meðfylgjandi myndir við setningu Safnahelgarinnar í Stafkirkjunni í dag.