​Nýverið birtust niðurstöður úr nýjum Þjóðarpúlsi Gallup. Helsta breyting milli mælinga er að fylgi Framsóknarflokksins eykst um rúmt prósentustig og nær 6% kysu flokkinn ef kosið yrði til Alþingis nú. Fylgi annarra flokka breytist lítið eða á bilinu 0,2-1,1 prósentustig og eru breytingarnar ekki tölfræðilega marktækar.

Slétt 34% kysu Samfylkinguna, rösklega 19%. Sjálfstæðisflokkinn, tæplega 13% Viðreisn, næstum 12% Miðflokkinn, um 7% Flokk fólksins, næstum 4% Vinstri græn, um 3% Pírata, liðlega 2% Sósíalistaflokk Íslands og tæplega 1% aðra flokka.

Ríflega 62% þeirra sem taka afstöðu styðja ríkisstjórnina

Rösklega 6% myndu skila auðu eða ekki kjósa og tæplega 14% taka ekki afstöðu eða vilja ekki gefa hana upp. Ríflega 62% þeirra sem taka afstöðu styðja ríkisstjórnina.

Það er RÚV sem deilir niðurstöðum þjóðarpúlsins með Eyjafréttum. Þar sést einnig fylgið í hverju kjördæmi fyrir sig. Í Suðurkjördæmi mælist ​Samfylkingin áfram stærst með nú með 25.6% en var mánuðinn á undan með 27,​9%. Næstmest fylgi í kjördæminu hefur Sjálfstæðisflokkurinn sem mælist nú með 24,​7% en var með 24,1% í síðustu mælingu. Miðflokkur nýtur stuðnings 13,8% en hann var í fyrri mælingu með 1​5,8%.

Flokkur fólksins er fjórði stærsti flokkurinn í Suðurkjördæmi með 13,6% en var í 1​1,​9% fyrir mánuði. Framsókn mælist með samkvæmt könnuninni ​9,4% fylgi í Suðurkjördæmi​ og fer upp fyrir Viðreisn sem er með ​8,​2%. Aðrir flokkar mælast með undir 3% fylgi í kjördæminu.