Úrskurðarnefnd um upplýsingamál hefur staðfest móttöku kæru Vestmannaeyjabæjar á hendur Orkustofnun fyrir að svara ekki ítrekuðum beiðnum um rökstuðning og upplýsingar um allar þær hækkanir sem lágu til grundvallar við samþykkt gjaldskrárhækkana HS Veitna á heitu vatni í september og janúar.
Þetta kemur fram í fundargerð bæjarráðs frá fundi þess í síðustu viku.
Þá var einnig send kvörtun til ráðuneytis umhverfis-, orku- og loftlagsráðuneytis til að kanna hvort stjórnsýsluhættir stofnunarinnar teldust eðlilegir. Strax í kjölfarið barst svar frá Orkustofnun um að hún geti ekki afhent umbeðin gögn. Ekki hefur þó enn borist svar frá ráðuneyti varðandi beiðni um aðgang að gögnum sem HS Veitur telja vinnugögn og viðkvæmar fjárhagsupplýsingar.
