Síðasti opni kynningarfundur Vina í bata verður mánudaginn 5. október kl. 18.30 í Betri stofu Safnaðarheimilis Landakirkju. Góður hópur karla hefur þegar myndast en pláss er fyrir fleiri konur í starfið.

Nýtt tímabil Vina í bata hófst 21. september og hafa fyrstu fundirnir verið öllum opnir. Eftir fundinn á mánudag verður hópunum lokað.

Starfið hentar öllum sem vilja vinna með tilfinningar sínar af einlægni. Nafnleynd, trúnaður og traust eru höfð að leiðarljósi og stuðst er við vinnubókina Tólf sporin – andlegt ferðalag, sem fæst í bókabúðinni.

Öll sem hafa áhuga á að kynna sér starfið eru velkomin á fundinn. Nánari upplýsingar um Vini í bata má finna á viniribata.is.