Herjólfur ohf. hefur gefið út tilkynningu um breytta siglingaáætlun vegna aðstæðna í Landeyjahöfn. Samkvæmt tilkynningunni verður siglt til Þorlákshafnar seinnipart mánudags og í fyrri ferð þriðjudags, en aðrar ferðir falla niður á þeim tíma.

Í dag, mánudaginn 11. maí, verður brottför frá Vestmannaeyjum klukkan 16:00 og frá Þorlákshöfn klukkan 20:00. Aðrar ferðir dagsins falla niður.

Á morgun, þriðjudaginn 12. maí, verður fyrri ferð dagsins farin um Þorlákshöfn með brottför frá Vestmannaeyjum klukkan 07:00 og frá Þorlákshöfn klukkan 11:00. Aðrar ferðir falla niður fyrri hluta dags.

Fram kemur í tilkynningunni að klefar og kojur verði seld um borð í kaffiteríu ferjunnar. Jafnframt segir að tilkynning um siglingar seinnipart þriðjudags verði gefin út fyrir klukkan 15:00 á morgun.