Nú styttist í að skólastarf hefjist á ný í Framhaldsskólanum í Vestmannaeyjum. Nýnemar mæta til leiks á morgun, miðvikudaginn 19. ágúst, en kennsla hefst daginn eftir, fimmtudaginn 20. ágúst.

Nýnemadagurinn er ætlaður nemendum sem eru að hefja framhaldsskólagöngu sína. Nýnemar mæta klukkan 13:00 á sal skólans þar sem þeir hitta umsjónarkennara sína og fá meðal annars kennslu og leiðsögn í upplýsingatækni.

Nemendur eru beðnir um að hafa með sér nýuppfærða fartölvu og rafræn skilríki.

Kennsla í dagskóla hefst fimmtudaginn 20. ágúst samkvæmt stundatöflu og þar með fer skólastarfið formlega af stað á ný.