Bæði meistaraflokkslið ÍBV verða í eldlínunni í dag. Strákarnir leika mikilvægan leik í bikarnum og stelpurnar leika mikilvægan leik í deildinni. Leikirnir hefjast báðir klukkan 17.30. Í Eyjum mæta strákarnir Val í 8-liða úrslitum bikarkeppninnar. Leikið er á Þórsvelli. Áður hafa Eyjamenn slegið út Reykjavíkur-stórveldin Víking og KR.

Stelpurnar eiga útileik gegn ÍA. ÍBV á toppi deildarinnar með 16 stig úr 7 leikjum. Skagastúlkur eru í baráttu á hinum enda töflunnar, eru í áttunda sæti með 6 stig. Það er því stór íþróttadagur framundan hjá ÍBV.