Þekkirðu leikarana? – Saga Leikfélags Vestmannaeyja lifnar við
Elva Ósk leikkona og Sigurpáll Scheving læknir voru ekki gömul þegar þau tóku sín fyrstu skref í leiklistinni hjá Leikfélagi Vestmannaeyja.

Á ljósmyndadegi í Safnahúsinu á fimmtudag klukkan 13.30 verða sýndar elstu varðveittu ljósmyndir úr blómlegu starfi Leikfélags Vestmannaeyja. Þar gefst gestum tækifæri til að rifja upp gamlar leiksýningar, þekkja kunnugleg andlit og leggja sitt af mörkum við að varðveita sögu leiklistar í Eyjum. 

Ljósmyndadagurinn er hluti af Safnahelgi í Vestmannaeyjum. Að þessu sinni verður sjónum beint að Leikfélagi Vestmannaeyja, sem á sér langa og merka sögu í menningarlífi bæjarins. 

Á myndunum má sjá leikara í hlutverkum sínum og svipmyndir úr leiksýningum fyrri tíma. Spennandi verður að sjá hverja gestir þekkja og hvort þeir geti rifjað upp nöfn leikara, leikrit og sögur tengdar sýningunum. 

Gömlu ljósmyndirnar eru dýrmæt heimild um menningarlíf í Eyjum og geta minningar bæjarbúa hjálpað til við að fylla í eyður í sögu leikfélagsins. 

Ljósmyndadagurinn hefst í Safnahúsinu á morgun, fimmtudag klukkan 13.30 og eru allir áhugasamir hvattir til að mæta. 

Nýjustu fréttir

Fjarvarmi í Eyjum hækkaði um 4,81% í nóvember
Herjólfur miðar við 2,5% hækkun um áramót
Já, nei, já
Herjólfur siglir til Þorlákshafnar
Ellert Scheving segir upp hjá ÍBV
Stefna að því að hámarksbið eftir greiningu verði 12–18 mánuðir
Er samveran komin á verkefnalistann fyrir jólin?
Fórnarlamba umferðarslysa minnst í Eyjum – myndir
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.