Þögn formanns þrúgandi
Kristín Hartmannsdóttir

Eyjafréttir greindu frá því fyrr í þessum mánuði að Andrés Þorsteinn Sigurðsson yfirhafnsögumaður hafi sagt starfi sínu hjá Vestmannaeyjahöfn lausu. Ástæðan var meint einelti og framkoma bæjarstjóra í hans garð sem hann tilgreindi sérstaklega í uppsagnarbréfi. Andrés greindi svo nánar frá málinu í grein sem hann ritaði og sendi til birtingar á vef Eyjafrétta. Í uppsagnarbréfinu á Andrés meðal annars að hafa óskað sérstaklega eftir því að Vestmannaeyjabær taki bréf sitt og efnisleg atriði þess til umfjöllunar á vettvangi Framkvæmda- og hafnarráðs.

Enn hefur þó ekki verið boðaður fundur í Framkvæmda- og hafnarráði og bréf sem Andrés Þ. Sigurðsson sendi ráðinu hefur því ekki hlotið formlega umfjöllun. Eyjafréttir hafa gert ítrekaðar tilraunir til þess að fá svör við eftirfarandi spurningum hjá formanni Framkvæmda- og hafnaráðs, Kristínu Hartmannsdóttur, en án árangurs.

a. Hefur nefndinni borist erindi frá hafnsögumanni þar sem kvartað er undan framkomu bæjarstjóra?
b. Hefur nefndin verið kölluð saman vegna þessa máls?
c. Hefur borist beiðni frá nefndarmönnum um að nefndin komi saman vegna þessa?
d. Hefur þú sem formaður nefndar hjá Vestmannaeyjabæ áður heyrt af því að fundið hafi verið að framkomu bæjarstjóra gagnvart embættismönnum svo sem að gerð hafi verið athugasemd við það hvernig starfsmenn sveitarfélagsins tjá sig á samfélagsmiðlum?
e. Má ekki telja líklegt að nefndin líti þetta alvarlegum augum og tryggt verði að málið verði skoðað á faglegan máta án aðkomu bæjarstjóra?

Samkvæmt heimildum Eyjafrétta eru tæpar tvær vikur síðan nefndarmenn Sjálfstæðisflokksins óskuðu eftir því að ráðið kæmi saman vegna málsins en við því hefur ekki orðið. Ráðið fundar að jafnaði einu sinni í mánuði. Eyjafréttir munu fjalla frekar um málið þegar fram vindur og óska eftir afriti af því bréfi sem Andrés sendi nefndinni þegar gögn verða gerð opinber.

Nýjustu fréttir

Úr blaði Eyjafrétta
Skýr skilaboð frá flokksmönnum 
Aðsend grein
Framtíðarsýn og grunngildi – Hvert erum við að fara?
Samgöngur
Landeyjahöfn – Þurfum öflugt dæluskip
Úr blaði Eyjafrétta
Viljum frekar byggja upp en að rífa niður 
Samgöngur
Dæluskipið Álfsnes á Bíldudal
Úr blaði Eyjafrétta
Ótrúlegt að 1.200 manns taki þátt í prófkjöri í svona litlu samfélagi 
Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.