�?Námsmönnum í Bandaríkjunum, sem hafa útskrifast úr menntaskóla, býðst að skrá sig í námið. Námið miðast við þrjá mánuði og þegar nemendur útskrifast hafa þeir unnið sér inn háskólaeiningar sem nýtast þeim í áframhaldandi nám í Bandaríkjunum,�? segir Bergþóra í samtali við Sunnlenska. Hún segir að kenndir verði fimm áfangar og inn í námið fléttast verkefni unnin á Sólheimum og vettvangsferðir í fyrirtæki og stofnanir.

Bandaríski prófessorinn Dave Oakes á frumkvæði að þessu samstarfi CELL og Sólheima og kom hann kom nýverið til landsins og kynnti sér umhverfistengda starfsemi á Sólheimum. ,,Honum leist mjög vel á aðstöðuna í Sesseljuhúsi, sem hefur þá sérstöðu að vera sjálfbær bygging. Kennsla í háskólanum mun fara fram þar og nemendur hafa síðan aðsetur á gistiheimili staðarins. Á Sólheimum er nær öll aðstaða sem þarf til skólahaldsins, þannig að okkur er fátt að vanbúnaði,�? segir Bergþóra.