Úttekt kostar 50 til 100 milljónir

Eyjafréttir
·
Fréttir
·
10. október 2019

Úttekt klárast ekki fyrir vorið
Vegagerðin telur óraunhæft að óháðri úttekt á Landeyjahöfn verði skilað í mars á næsta ári. Eðlilegra væri að miða við haustmánuði 2020. Ljóst sé að kostnaður við úttekt sem koma ætti að gagni myndi kosta töluverðar fjárhæðir eða 50 til 100 milljónir.
Þetta kemur fram í umsögn Vegagerðarinnar við þingsályktunartillögu sem allir þingmenn Suðurlands standa að. Í tillögunni er lagt til að úttekt óháðra aðila á höfninni verði flýtt enda ástandið hvorki boðlegt íbúum Vestmannaeyja né öðrum sem treysta þurfi á greiðar samgöngur milli lands og eyja.

Reynslulitlir ráðgjafar á Íslandi
Vegagerðin telur mikilvægt að þeir ráðgjafar sem fengnir verði til verksins hafi mikla þekkingu í strandverkfræði og sandflutningsrannsóknum. Ráðgjafar hér á landi hafi mjög takmarkaða reynslu á því sviði en hún sé mikil bæði í Hollandi og í Bretlandi. „Hollendingar hafa verið að kljást við sandflutning í höfnum í mjög langan tíma og þar eru einmitt stærstu dýpkunarfyrirtæki heimsins staðsett,“ segir í umsögninni.

Þarf að útbúa líkön
Vegagerðin segir að viðkomandi þyrfti að geta sökkt sér í efnið og koma sér inn í öll þau gögn sem til séu um höfnina. Hann þyrfti að útbúa líkön svo hann gæti skoðað málið á raunsæjan hátt. Í umsögn Vegagerðarinnar kemur jafnframt fram að fljótlega eftir að höfnin var opnuð hafi komið í ljós mun meiri vandamál vegna sandburðar en reiknað hafði verið með. Fyrir liggi gögn frá prófessorum frá Lundi sem voru fengnir til að yfirfara gögn sem danskir ráðgjafar Siglingastofnunar Íslands höfðu reiknað út.

Bæjarráð fagnaði
Bæjarráð Vestmannaeyja fagnar tillögunni og segir mikilvægt að þeir sem taki út höfnina ráðfæri sig við þá sem hafi hvað mestu reynsluna af því að sigla inn höfnina. Framkvæmdastjóri Herjólfs ohf segir í umsögn sinni að úttektin eigi ekki eingöngu að einskorðast við dýpi Landeyjahafnar heldur verði einnig að líta til þeirrar reynslu sem þegar sé komin af nýjum Herjólfi.

Taka verði til athugunar hvaða „aðrir þættir, svo sem samspil vinds, öldu og strauma, kunni að hafa áhrif á nýtingu hafnarinnar og hugsanlegar lagfæringar, og eða breytingar á hafnarmannvirkjum sem þarf að fara í svo siglingar þangað teljist öruggar.“

Rúv.is greindi frá

Nýjustu fréttir

Goslok

Leikhópurinn Lotta sýnir Litaland

Fréttir

Terra fær ekki samþykktar breytingar á gjaldskrá

Íþróttir

ÍBV og FH skiptu með sér stigunum

Aðsend grein

Stærstu viðskiptafréttir í sögu Vestmannaeyja

Úr blaði Eyjafrétta

Pétur Bjarna, Eyjamaður og sjávarútvegsfræðingur

Íþróttir

Frábæru Orkumóti lokið – FH varð Orkumótsmeistari

Íþróttir

ÍBV sækir botnlið FH heim

Samgöngur

Breytt siglingaáætlun Baldurs næstu daga

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki