Vélfang ehf. hefur verið umboðsmaður JCB á Íslandi frá 2009 og býður í dag fjölbreyttara úrval vinnuvéla en nokkru sinni. JCB framleiðir yfir 300 tegundir vinnuvéla, allt frá minnstu minigröfum til öflugustu dráttarvéla. Það sem sameinar vélarnar er áherslan á tækninýjungar, sparneytni og þægindi fyrir notandann. 

„Vestmanneyingar hafa frá byrjun verið meðal okkar bestu viðskiptavina og er gaman fyrir okkur að vera þátttakendur í þeirri miklu uppbyggingu sem verið hefur hjá ykkur undanfarin ár. Það er ekkert lát á framkvæmdum,“ Eyjólfur Pétur Pálmason forstjóri Vélfangs. 

 Þegar breska stórfyrirtækið JCB var stofnað árið 1945 var fátt sem benti til að það yrði síðar eitt þekktasta merki heims í vinnuvélum. Í dag eru vélar JCB notaðar í öllum heimsálfum og á Íslandi hefur Vélfang ehf. séð um sölu, þjónustu og varahluti í 16 ár. 

Heimsþekkar traktorsgröfur  

Traktorsgröfur JCB eru heimsþekktar fyrir styrk og endingu. Nýjustu kynslóðirnar bjóða upp á snertiskjái, sjálfvirka stillingar og þægileg stýrishús. Allar vélarnar nota Stage V umhverfisvænar dísilvélar sem draga úr eldsneytisnotkun og mengun. Í boði eru m.a. gerðirnar 3CX, 4CX og 5CXS, sem henta jafnt verktökum, sveitarfélögum og bændum. 

Beltagröfur JCB eru í stærðum 12 til 40 tonn og eru hannaðar með hámarksþægindi í huga. Þær eru hljóðlátar, sparneytnar og auðveldar í stjórnun. Í hjólagröfum vekur JCB Hydradig mikla athygli. Þar er mótorinn í undirvagni, sem tryggir stöðugleika, lágan þyngdarpunkt og óviðjafnanlega yfirsýn allan hringinn. Með fjórhjólastýringu og 40 km aksturshraða setur hún ný viðmið í sínum flokki. 

JCB hefur þróað nýja línu af minni gröfum, frá 1 upp í 11 tonn með rúmgóðum stjórnhúsum og einföldu þjónustuaðgengi. Fyrirtækið er einnig leiðandi í þróun rafmagnsvéla og framleiðir nú 19C-1 ETEC, rafknúna gröfu sem er hljóðlát, losunarlaus og fullkomin fyrir vinnu í þéttbýli eða innanhúss. 

Brautryðjendur frá 1977 

Fyrsti skotbómulyftari JCB leit dagsins ljós árið 1977 og síðan hefur fyrirtækið verið leiðandi á sviði lyftutækni. Lyftararnir bjóða upp á háþróað vökvakerfi, „Regenerating“ sem eykur vinnuhraða án aukinnar eldsneytisnotkunar. Lyftigeta  er frá 1,6 tonnum upp í 6 tonn. Fyrir þá sem vilja vistvæna lausn er í boði 525-60 ETEC, fullkomlega rafknúinn lyftari.
Einnig er framleiddur heilsnúningslyftari, 555-210, sem sameinar kraft og nákvæmni. 

Dráttarvélar JCB Fastrac eru í sérflokki þegar kemur að akstursþægindum. Þær eru alfjaðrandi, með sjálfvirkum hæðarjafnara og geta náð meiri hraða en hefðbundnar dráttarvélar. Tvær meginlínur eru í boði – 4000 og 8000 – með vélarafli frá 190 upp í 340 hestöfl. Húsið er rúmgott með tveimur fyrsta flokks sætum, og stjórnbúnaðurinn er hannaður til að tryggja hámarksafköst og öryggi. 

Heildarlausnir og þjónusta  

„Vélfang býður ekki aðeins upp á vélar frá JCB, heldur einnig heildarlausnir í aukahlutum og fylgihlutum, skóflur, fleyga, sópa, jarðvegsþjöppur, vatnsdælur og kjarnabora. Allt frá sama framleiðanda. Fyrirtækið leggur sérstaka áherslu á öfluga þjónustu og varahlutakerfi þar sem íslensk reynsla og bresk gæði mætast. JCB vélar hafa sannað sig við íslenskar aðstæður og er góður kostur fyrir þá sem vilja áreiðanleika, sparneytni og nýjustu tækni – í einum pakka,“ sagði Eyjólfur Pétur 

Fleiri sterk merki eru í boði hjá Vélfangi, fjölbreytt úrval tækja frá heimsþekktum framleiðendum.  

• Fendt – dráttarvélar í hæsta gæðaflokki með frábærri sparneytni og afli. 

• CLAAS – leiðandi í kornþreskivélum, múgsöxurum og heyvinnutækjum. 

• Kverneland – plógar og jarðvinnslutæki sem hafa sannað sig á Íslandi. 

• Kuhn – 175 ára reynsla í hönnun og framleiðslu landbúnaðartækja. 

• Schäffer – liðléttingar og hjólaskóflur sem henta íslenskum aðstæðum. 

• SlurryKat – háþróuð kerfi fyrir dreifingu og dælingu lífræns áburðar. 

• Redrock – vagnar og haugsugur í þekktum gæðum frá Norður-Írlandi. 

• Trima – ámoksturstæki og aukahlutir fyrir CLAAS og Fendt dráttarvélar.