Ekki hægt annað en að fara fram á sigur

Eyjafréttir
·
Almennt
·
17. október 2007

Hermann Hreiðarsson var ekki með í tapinu á móti Lettum á laugardaginn og var sárt saknað í íslensku vörnini. Hann vildi lítið tjá sig um þann leik á blaðamannafundi í gær.

„Sá leikur er bara búinn. Við erum hundsvekktir með úrslitin en nú er bara kominn nýr leikur og það er gott að fá tækifæri til að leiðrétta þetta strax. Það er ekkert hægt annað að fara fram á sigur hérna og við spilum líka til sigurs og ekkert annað. Við ætlum að einbeita okkur að okkar leik og ef að við spilum vel þá vinnum við þennan leik,” segir Hermann.

Hermann var fyrst í byrjunarliði íslenska landsliðsins í keppni þegar Ísland vann 4-0 í Liechtenstein fyrir tíu árum. „Það vannst mjög góður sigur þegar maður var hérna síðast. Þeir hafa tekið miklum framförum síðan en það hefur við kannski gert líka,” segir Hermann sem telur vera mjög mikilvægt að byrja vel.

“Við förum jákvæðir og vel undirbúnir inn í þennan leik. Við ætlum ekki að gefa nein færi á okkur. Við ætlum að koma sterkir inn í leikinn og sýna það strax frá fyrstu mínútu hverjir það eru sem ætla að stjórna þessum leik,” segir Hermann og bætir við „Við erum með miklu sterkara lið á pappírnum og ef við náum að skila því sem hægt er að ætlast til þá eigum við að vinna svona leiki,” segir Hermann sem hefur engar áhyggjur af því að Ísland skori í kvöld en mestu skipti að vörnin verði í lagi. Þar hefur Hermann mikið að segja og það skiptir liðið mjög miklu máli að hann sé kominn aftur úr leikbanninu.

„Hermann er meiriháttar leikmaður og kemur með mikinn anda inn í liðið,” sagði Eiður Smári Guðjohnsen landsliðsfyrirliði.

www.visir.is

Nýjustu fréttir

Íþróttir

ÍBV úr leik eftir tap á Akureyri

Aðsent

Framboðslisti Sjálfstæðisflokksins samþykktur

Aðsend grein

Fyrirgefðu, móðgaði ég listaverkið þitt?

Áhugavert

Aðalspaðarnir á tónleikum með Who, Four Seasons, Lulu og Animals

Íþróttir

Sigurjón vann einvígið og tryggði sér titilinn

Aðsend grein

Meinfýsni

Áhugavert

Jafnlaunavottun World Class réð úrslitum

Úr blaði Eyjafrétta

Alla Stella keypti gamalt hús og dánarbú fylgdi með

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki