SÍLDARÆVINTÝRIÐ í Grundarfirði heldur áfram. Fjöldi síldarbáta hefur verið á firðinum við veiðar síðustu daga, eins og verið hefur frá því í október, og í heild hafa verið veidd þar um 100 þúsund tonn.

Sjómenn eru ánægðir með að geta gengið að síldinni á vísum stað og segja þægilegt að stunda þannig innfjarðarveiðar. Töluvert vandasamt er að kasta á torfurnar svona nálægt landi. Á þessum litla firði hafa verið allt upp í fimmtán síldveiðiskip í einu.