Day: 7. febrúar, 2008

636 milljóna króna hagnaður hjá Vinnslustöðinni

Hagnaður Vinnslustöðvarinnar nam 636 milljónum króna á síðasta rekstarári en var 207 milljónir króna árið á undan. Heildartekjur félagsins voru 5618 milljónir króna og drógust saman um 175 milljónir króna frá fyrra ári. (meira…)

Tveimur fartölvum stolið

Tveir nemendur í Fjölbrautaskóla Suðurlands misstu fartölvur sínar í hendur þjófa sl. föstudag. Annarri tölvunni var stolið úr anddyri skólans en hinni á nemendagörðunum í Fosstúni. (meira…)

Steingerður og Sædís fá uppsveitarbrosið 2007

Steingerður Hreinsdóttir og Sædís Íva Elíasdóttir, ráðgjafar hjá Atvinnuþróunarfélagi Suðurlands, fengu Uppsveitabrosið 2007 en það var afhent í síðustu viku. Uppsveitabrosið er viðurkenning sem Uppsveitir Árnessýslu og ferðamálafulltrúi uppsveita veita árlega einstaklingi eða fyrirtæki. Þær stöllur fá brosið m.a. fyrir framúrskarandi samvinnu við ferðaþjónustuaðila á svæðinu. (meira…)

400 þúsund í sekt fyrir hraðakstur undir áhrifum fíkniefna

Héraðsdómur Suðurlands dæmdi í vikunni karlmann á fertugsaldri í 400 þúsund króna sekt og svipti hann ökuréttindum í 14 mánuði eftir að hann var staðinn að því að aka bíl á 143 km hraða á Suðurlandsvegi í sumar undir miklum áhrifum amfetamíns og kannabisefna.Við húsleit hjá manninum fannst smáræði af fíkniefnum en einnig fundust óskráður […]

Hrunamenn unnu alla leiki

Fyrri umferðin í héraðsmóti karla í blaki var leikin á Hvolsvelli 24. janúar sl. og mættu fimm lið til leiks. Mótið gekk vel og var keppnisgleðin og léttleikin í fyrirrúmi eins og á undanförnum mótum.Lið Hrunamanna heldur áfram sigurgöngu sinni og vann alla leikina og eru með fullt hús stiga. Hamar og Samhygð eru með […]

Selfoss náði bikarnum eftir 10 ára hlé

Umf. Selfoss sigraði í heildarstigakeppni HSK fyrir árið 2007. Keppnin var æsispennandi á árinu og munaði aðeins 1,5 stigi á Selfoss og Dímon þegar mótum ársins var lokið. Þessi félög höfðu mikla yfirburði á önnur félög, Selfoss hlaut 207,5 stig en Dímon 206 stig. Hamar varð síðan í þriðja sæti með 115,5 stig. (meira…)

Minnti á þjóðveginn til Vestmannaeyja

Þessa stundina er verið að taka fyrir 148. mál á Alþingi en flutningsmenn tillögunnar eru þingmenn Frjálslyndra Kristinn H. Gunnarsson, Guðjón A. Kristjánsson, Grétar Mar Jónsson, Jón Magnússon. Í tillögunni er það lagt til að ríkið yfirtaki veggöngin undir Hvalfjörð og felli strax niður veggjaldið um göngin. Hanna Birna Jóhannsdóttir, sem tók sæti Grétars Mars […]

Herjólfur siglir kl. 17.00 frá �?orlákshöfn

Í morgun hefur verið ófært um Hellisheiði og einnig um Þrengslin. Herjólfur fór í morgun sína venjulega áætlun en vegna þessara aðstæða á fjallvegunum, hefur verið ákveðið að skipið fari ekki fyrr en kl. 17.00 frá Þorlákshöfn. (meira…)

Mikið fjör á öskudeginum

Eins og gefur að skilja var mikið líf og fjör í miðbæ Vestmannaeyja í gær á öskudeginum þegar krakkar fóru á milli fyrirtækja og verslana, sungu og fengu að launum eitthvað góðgæti. Fjölmargir komu við á Eyjasýn en allir krakkarnir voru myndaðir og er búið að setja myndirnar inn á myndasíðu Eyjafrétta. (meira…)

Sparisjóðurinn gefur endurskinsmerki

Sparisjóður Vestmannaeyja er þessa dagana að afhenda grunnskólabörnum og leikskólabörnum í Vestmannaeyjum endurskinsmerki. Ljósmyndari leit við í Hamarsskólanum í dag þar sem fulltrúi Sparisjóðsins, Gísli Gunnar Geirsson afhenti börnum í 2. bekk sitt merki. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.