Day: 31. mars, 2008

ÍBV lagði Íslandsmeistara Val að velli

ÍBV sigraði Íslandsmeistara Vals í fyrsta æfingaleik liðsins í Tyrklandi. Leiknum endaði með 1-0 sigri ÍBV og skoraði Bjarni Rúnar Einarsson markið í fyrri hálfleik. Sigurinn var þó dýrkeyptur því báðir Brasilíumennirnir meiddust og verða að öllum líkindum frá í nokkurn tíma, amk taka þeir ekki meira þátt í æfingaferðinni. Alexandre tognaði aftan í læri […]

Hægt að skrá athugasemdir við fréttir

Nú hefur verið tekið í gagnið nýtt athugasemdarkerfi á Eyjafréttum en með því geta lesendur skráð athugasemdir við fréttir á síðunni. Slíkt er alþekkt á bloggsíðum og oft skapast skemmtilegar umræður í kjölfar færslna. Til að skrá athugasemdir þarf einungis að skrá sig sem notanda og er hægt að gera það með því að smella […]

Henning Eyþór Jónasson til Selfoss.

Selfyssingar fengu á dögunum góðan liðsstyrk þegar Stokkseyringurinn Henning Jónasson kom til þeirra frá KR. Henning lék fimm leiki í Landsbankadeildinni með KR síðastliðið sumar og skoraði í þeim eitt mark, en í félagsskiptaglugganum var hann lánaður í Selfoss og átti mikinn þátt í að hjálpa liðinu að komast upp í 1.deild. (meira…)

Fangi stunginn með útskurðarsporjárni í rassinn

Lögreglan á Selfossi rannsakar nú hver stakk fanga á Litla-Hrauni í rasskinnina með útskurðarsporjárni á föstudag. Fram kemur í dagbók lögreglunnar að fjórir fangar hafi komið inn í söluturn í fangelsinu þar sem fyrir var einn fangi. Hann vissi svo ekki fyrr en hann fékk sting í aðra rasskinnina. (meira…)

Guðbjörg á leiðinni til Eyja?

Guðbjörg Guðmannsdóttir, landsliðskona og leikmaður Frederikshavn Fox í Danmörku, er væntanlega á heimleið og þá til Eyja. Heimildir www.handbolti.is herma að hún hafi hug á að snúa heim til Eyja og muni þá væntanlega leika með ÍBV ef þær verða með lið á næsta vetri. (meira…)

ÍBV ekki upp í 1. deild

Körfuknattleikslið ÍBV lék í gær gegn Hrunamönnum í undanúrslitum 2. deildar en sigurvegari leiksins tryggði sér um leið sæti í 1. deild að ári. Ljóst var að leikurinn yrði Eyjamönnum erfiður en Hrunamenn urðu efstir í A-riðli og fengu því heimaleik. Lokatölur urðu hins vegar 79:75 þannig að tæpara mátti það varla vera. (meira…)

Sex Íslandsmeistaratitlar í judó

Íslandsmeistaramót JSÍ yngri en 20 ára var haldið daganna 14. og 15. mars síðastliðinn. Júdodeild Umf. Selfoss sendi 18 keppendur á mótið og stóð hópurinn sig mjög vel og kom heim með hvorki meira né minna en 6 gull, 3 silfur, 4 brons og einn eignabikar ! Frammistaða hópsins var eftirfarandi: (meira…)

Húsleit hjá hestaníðingi

Lögreglan á Selfossi gerði húsleit hjá dæmda hestaníðingnum Óla Pétri Gunnarssyni en hann var dæmdur árið 2006 fyrir illa meðferð á hestum. Hann meinaði fóðureftirlitsmanni inngöngu í hesthús sem hann hefur umráð yfir með þeim afleiðingum að leitarheimild þurfti til. Fóðureftirlitsmaðurinn fór í fylgd lögreglunnar í hesthúsið þar sem brjóta þurfti niður hurðina til að […]

Greiða kennurum ekki álag

SVEITARFÉLÖGIN Árborg og Ölfus og Hveragerðisbær hafa hafnað tilmælum um að greiða grunnskólakennurum og öðrum starfsmönnum sveitarfélaganna eingreiðslu vegna aukins álags í starfi. Sum sveitarfélög hafa greitt starfsmönnum sínum álag í formi eingreiðslu. Sveitarfélögin á Árborgarsvæðinu vísa til þess í ályktunum sínum að lagt sé upp með ný vinnubrögð í kjaraviðræðum kennara og vonast til […]

ÍBV æfir við góðar aðstæður í Tyrklandi

Meistaraflokkur ÍBV í knattspyrnu æfir nú í Tyrklandi. Þeir munu vera þar í 9 daga við kjöraðstæður, æfa og leika þrjá æfingaleiki. Á morgun mun liðið t.d. leika við Íslandsmeistara Vals. Á miðvikudag er svo leikur við lið frá Kazakstan þar sem Borat Sagdiyev leikur í framlínunni. Á föstudag er svo síðasti leikur liðsins og […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.