Day: 19. júní, 2008

VISA-bikar: Knattspyrna

Átta leikir fóru fram í Visa-bikar karla í kvöld og flest úrslitin voru eftir bókinni gömlu og góðu. 2. deildarlið Hamars í Hveragerði sigraði Selfyssinga óvænt í Suðurlandsslag. Úrslit kvöldsins: (meira…)

Samstarfssamningur KHÍ og Sveitarfélagsins Árborgar

Miðvikudaginn 18.júní var undirritaður samstarfssamningur milli Rannsóknarstofu í íþrótta- og heilsufræðum KHÍ og Sveitarfélagsins Árborgar. Samningurinn var undirritaður í sól og blíðu á íþróttasvæðinu við Engjaveg að viðstöddum þátttakendum í rannsókninni sem Árborg mun styrkja. (meira…)

Fréttir koma út síðdegis í dag

Fréttir koma út í dag, – degi seinna en venjulegt er. Ástæðan er að s.l. þriðjudagur bar uppá 17. júní, en þriðjudagur er helsti vinnsludagur blaðsins. Fréttir eru sem fyrr, stútfullar af skemmtilegu efni. – plað á sögu Golfklúbbsins sem nú fagnar 70 ára afmæli sínu, Pæjamótið gert upp. Hátíðarhöld 17. júní fá sitt pláss, […]

Knattspyrna – Leikir dagsins – 32 liða úrslit Visa-bikars karla

Átta leikir eru í 32-liða úrslitum Visa-bikars karla í kvöld. Mörg lið úr Landsbankadeildinni verða á ferðinni en þau mætast þó ekki innbyrðis. Þá er einn leikur í fyrstu deild kvenna í kvöld. Allir á völlinn! VISA-bikar karla: 18:00 Breiðablik – KA (Kópavogsvöllur) 19:15 Þór – Valur (Akureyrarvöllur) 19:15 Keflavík – Stjarnan (Sparisjóðsvöllurinn Keflavík) 19:15 […]

Verður eingöngu skipaður konum

Bæjarstjórnarfundur verður í dag kl. 18.00. Í sjálfu sér eru það ekki sérstök tíðindi, þar sem slíkir fundir eru jafnan haldnir mánaðarlega. Það eru þó tíðindi að fundurinn í dag verður eingöngu skipaður konum. Væntanlega er það í tilefni kvenréttindadagsins, 19. júní. (meira…)

Sumarhátíð á Stakkó

Sumarhátið leikskólanna var haldin á Stakkagerðistúni miðvikudagsmorguninn 18 júní s.l. Fjörið hófst með skrúðgöngu frá Barnaskólanum og var gengið undir trumbuslætti sem leið lá á Stakkagerðistún. Þegar þangað var komið settist hópurinn niður og söng nokkur lög við gítarundirleik. (meira…)

Menn mega ekki gefast upp því ekki kemur síldin til okkar

Það er víst búið að kasta trollinu hér en árangurinn er eitthvað að standa á sér. Við erum rétt austan við Jan Mayen og eru eða voru einhverjar peðrur hér á stangli en um leið og trollið fór í hafið þá lét síldin sig hverfa. Það má því segja að við séum að leita með […]

�?g stend sjálfur fyrir tónleikahaldinu með Megasi

Heill og sæll Hermann Ingi. Sannarlega er leitt að Logar skuli ekki taka þátt í Goslokahátíðinni í ár. Þú kastar fram fullyrðingum í lok greinar þinnar um fyrirhugaða tónleika Megasar og Senuþjófanna í Vestmannaeyjum fimmtudaginn 3. júlí nk. Mér er bæði ljúft og skylt að leiðrétta þessar rangfærslur hjá þér, enda stend ég fyrir tónleikahaldinu. […]

Alþingi á �?ingvelli

Sólveig Pétursdóttir, fyrrverandi forseti Alþingis og dómsmálaráðherra, í hátíðarræðu sinni á Hrafnseyri í Arnarfirði 17. júní. „Það er því mín skoðun að Alþingi Íslendinga eigi að hafa aðstöðu á Þingvöllum þar sem hægt sé að hafa þingfundi innandyra, taka á móti gestum og halda upp á merkisatburði. Ég tel einnig að vel færi á því […]

Ferð Kvenfélags Selfoss til Reykjavíkur

Kvenfélag Selfoss efnir til hópferðar til Reykjavíkur á kvennamessu sem verður við Þvottarlaugarnar í Laugardal á kvenréttindadaginn sem er í dag fimmtudaginn 19. júní Messan hefst kl. 20:30. Þórunn Sveinbjarnardóttir umhverfisráðherra predikar. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.