Jói Myndó lofar skemmtilegri sýningu

Jóhannes Helgi Jensson, Jói Myndó er yngstur ljósmyndaranna sem taka þátt í sýningaröðinni, Vestmannaeyjar í gegnum ljósopið mitt sem verður í tíunda skiptið í Einarsstofu á föstudaginn klukkan 17.00. 

Með honum eru Halldór Sveinsson lögregluvarðstjóri og Sigmar (Bói) Pálmason.  Hann byrjaði fyrir alvöru að taka myndir árið 2017 en hefur þegar vakið mikla athygli og hélt sína fyrstu sýningu fyrr á þessu ári.

Heillaðist strax af kraftlyftingum

Jói Myndó eins og hann kallar sig stendur undir nafni og vel það. „Ég er Eyjamaður í botn og mikill Bjarnareyingur. Fæddur 11. 11. 2000, ég er því afmælisbarn dagsins,“ sagði Jói þegar rætt var við hann á þriðjudaginn.

Jói vinnur hjá Flugfélaginu Erni á Vestmannaeyjaflugvelli og fyrir utan ljósmyndun eru kraftlyftingar hans helsta áhugamál. „Ég byrjaði 12 eða 13 ára að fara í ræktina með bróður mínum og heillaðist strax af kraftlyftingum. Er að ná þokkalegum árangri, á 190 kg. í hnébeygjulyftu, 300 kg. í réttstöðulyftu og 140 kg. í bekk.“

„Nú færðu þér almennilega myndavél.“

Það er ekki margt líkt með kraftlyftingum og ljósmyndum en hvoru tveggja gerir miklar kröfur og þar gefur Jói ekkert eftir. „Ég var stundum að taka myndir á símann en allt byrjaði þetta fyrir alvöru með Tóa Vídó sem sagði við mig: „Nú færðu þér almennilega myndavél.“ Þá fyrst fann ég mig í því að taka myndir. Áhuginn var til staðar frá því þegar ég var lítill en þetta var árið 2017 og þá fór boltinn að rúlla.“

Jói er með Nikon D 50 vél, 70 x 300 mm linsu og aðra 50 mm fasta.

Jói segir að Tói hafi kennt sér mikið og geri enn. „Ég kalla hann pabba númer tvö. Tói tekur frábærar myndir og ég reyni að gera mitt besta. Landslagið og náttúran heilla og svo Norðurljósin sem hafa mikið látið sjá sig í haust. Líka er gaman að mynda þessa gömlu karla á trillunum þegar þeir eru að koma í land. Ég leyfi þeim að vera eins og þeir eru og þannig koma þeir best út.“

Jói gerir landslagi góð skil á sýningunni. „Ég verð líka með myndir úr mannlífinu. Ég vonast svo til að sjá sem flesta á föstudaginn í Einarsstofu kl. 17.00 og ég lofa skemmtlegri sýningu,“ sagði Jói að lokum.

Nýjustu fréttir

Íþróttir
Halldór Jón aftur í ÍBV
Myndband
Fluttu hús í heilu lagi
Sjávarútvegur
Sjáv­ar­af­urð­ir: Ágæt­is aukn­ing í fe­brú­ar
Sjávarútvegur
Eyjarnar landa í Þorlákshöfn
Aðsend grein
Þarftu að fara á fund?
Kynning
Hljómey – Klara Einars mætir
Aðsend grein
Gildin sem móta okkur
Aðsend grein
Til Sjálfstæðismanna
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.