Eyjamaðurinn Hlynur Andrésson bætti eigið Íslandsmet í 3.000 metra hlaupi á móti í Bergen í Noregi í dag þegar hann hljóp á 7:59,11 mínútum og varð þar með fyrsti Íslendingurinn til að hlaupa á undir átta mínútum í greininni.
Hlynur hefur verið að reyna við lágmarkið síðustu vikur og hljóp út í Belgíu þar síðustu helgi á 8:08,24 mínútum sem var þá nýtt Íslandsmet. Lágmarkið á EM er 8:05,00 mínútur og fresturinn til þess að ná því rennur út í hádeginu á morgun. Hlynur tryggði sér því farseðilinn til EM á síðustu stundu, bætti eigið Íslandsmet í leiðinni og var fyrstur Íslendinga til þess að hlaupa 3000 metrana undir 8 mínútum.
