Stuðningsmannahópur ÍBV Hvítu riddararnir sendu eftir hádegi í dag frá sér afsökunarbeiðni eftir umfjöllun fréttablaðsins um hegðun hópsins í bikarleik á dögunum. Samkvæmt heimildum fréttablaðsins mættu riddararnir með myndir af mæðrum leikmanna og öskruðu og börðu á klefahurðina eftir leik. Einnig kemur fram að á myndirnar hafi verið skrifuð alls konar skilaboð.
Meðfylgjandi ljósmynd sýnir riddarana með mömmumyndirnar frægu en hvergi er að sjá nein skilaboð á myndunum. Fram kemur í afsökunarbeiðninni að þetta hafi allt verið gert í góðu gríni.
Róbert Gíslason, framkvæmdastjóri HSÍ, sagði að málið væri komið inn á borð til sín og nú færi af stað vinna til að afla frekari gagna. Málið fer inn til mótanefndar sem hefur kallað eftir frekari skýringum og greinargerðum frá málsaðilum.
?Tilkynningi?
Við stuðningsmenn ÍBV biðjumst velvirðingar á hegðun okkar eftir síðasta heimaleik (Sumir okkar misstu sig í gleðinni). Varðandi myndirnar af mæðrum leikmanna þá var það í góðu gríni gert og engin meinyrði skrifuð á þær.
Áfram gakk.#handbolti #olisdeildin pic.twitter.com/66DDcFcTWN— Hvítu Riddararnir (@riddararnir) February 11, 2020