Íris Róbertsdóttir bæjarstjóri hefur ákveðið að gefa kost á sér í prófkjöri Bæjarmálafélagsins Fyrir Heimaey fyrir komandi bæjarstjórnarkosningar. Íris greindi frá þessu á facebook síðu sinni með eftirfarndi tilkynningu:
“Bæjarmálafélagið Fyrir Heimaey hefur ákveðið að bjóða aftur fram lista í bæjarstjórnarkosningunum í vor og verður prófkjör þann 5. mars. Í framhaldi af því hef ég tekið ákvörðun um að gefa kost á mér aftur. Síðustu tæpu fjögur ár hafa verið annasöm og krefjandi, m.a. vegna faraldurs og loðnubrests, en jafnframt hefur það verið ótrúlega gefandi og ögrandi að takast á við þessar áskoranir fyrir hönd okkar Eyjamanna. Ákaflega mörg og spennandi verkefni hafa verið sett af stað og eru í farvatninu hér í Eyjum, samfélaginu okkar til heilla, og ég vil gefa kost á mér til að vinna þeim áfram brautargengi.”
