Hvað er pólitík og hvað er að vera pólitíkus ?
Þeir sem kosnir eru til að gæta hagsmuna lands og sveitarfélags af almenningi, í prófkjöri er það fólkið sem þú sem kjósandi velur.
Seint get ég talið mig stjórnmálamann eða pólitíkus og mun eflaust aldrei gera það. Mitt eina markmið er að leggja mig fram til að þjónusta samfélagið og aðlagast öllum þeim breytingum sem fylgja stækkandi samfélagi eftir bestu getur hverju sinni. Að mínu mati er það mikilvægast að taka ábyrgð á því sem miður fór og hrósa því sem vel er gert.
Raddirnar hafa verið háværar þegar vel gengur en þegar illa gengur skortir ábyrgð, samfélagið okkar á einfaldlega meira skilið.
Ég kalla eftir því að sem flestir taki þátt í prófkjöri Sjálfstæðisflokksins 26. mars.
Fimmtán frábærir einstaklingar með ólíka reynslu eru tilbúnir til að leggja okkur heimafólki lið í að gera samfélagið betra sem aldrei.
Til að kjósa í prófkjöri þarftu að vera eldri en 15 ára, skráður í flokkinn og með lögheimili í Vestmannaeyjum.
Samfélagið er á ábyrgð þeirra sem þar búa, kjósum eftir okkar bestu getu og höfum áhrif.
Hannes Kristinn Sigurðsson
Undirritaður bíður sig fram í 4.-5. sæti á lista Sjálfstæðisflokksins í Vestmannaeyjum í komandi prófkjöri.
